ازاي تحافظ علي العميل بتاعك ويكون عميل مستمر ويكلم اصحابه عن مكانك!! ؟؟ - معلومات لاصحاب المغاسل ومراكز صيانه السيارات
ازاي تحافظ علي العميل بتاعك ويكون عميل مستمر ويكلم اصحابه عن مكانك!! ؟؟
دول 9 خطوات لو نفذتهم هيزودو المبيعات ويرفعو درجة رضا العميل عندك
لو انت صاحب مركز صيانة او مغسلة وكاركير سيارات ركز معايا علشان البوست ده ليك
خدها قاعده كده هتريح العميل وتخليه مش ناقصه حاجه هيكمل معاك... ولو معملتش كده.. هتدي فرصه للمنافسين انهم يخدو العميل منك
طب ازاي احافظ عليه هوه ده اللي هقولك عليه:
1- طبعا اول حاجه انك تبتسم ونت بتستقبل العميل .. صدقني بتفرق... ومش محتاج افكرك ان مهم انك انت اللي تستقبله مش الفني
2- حاول ديما تكون انت مصدر المعلومات بتاعته في اي حاجه تخص المجال سواء كنت صيانه او مغسله#ملوك_الفنش
3- العميل يحب يحس انك خايف عليه وعلي مصلحته فلازم تحسسه بده... زي مثلا انك تقوله علي نوع منتج ارخص ويدي نفس كفائه المنتج الغالي
4- قبل ما تسلمه العربيه يفضل انك تستلم الاول بنفسك من الفني وبعدين تسلمه علشان لو في حاجه محتاجه تتعاد ولا حاجه.. ومنها برضو تطمن علي شغلك
5- مينفعش العميل اول ما يوصل مكانك ميلاقيش حد يكلمه ولا يعبره.. هتلاقيه بيقول دول عالم ضايعه
6- فاجأ العميل .. الهدايا الغير متوقعه بتفرق جامد مع العميل... زي مثلا انك تديله علبه مناديل او ميداليه او فواحه هديه
7- حافظ علي عربيه العميل.. يعني اعمله فنيش للعربيه مميز ... بانك تحطله دواسه وطقم صيانه ونت بتسلمه العربيه وصدقني بيفرق مع العميل يعني المكان اللي هيحط دواسه بس اكيد غير المكان اللي بيحط طقم استقبال ودواسه
8- عمم طقم الاستقبال (كسوه الكراسي) عندك يعني مش لازم تربطه بخدمه معينه علشان تحطه في عربيه العميل يعني مثلا مش لازم العميل يعمل كاركير شامل علشان تحطله كسوه للكراسي
9- ممكن تعمل خدمه اضافيه عندك وتسميها ميني كاركير او غسيل مميز ودي عباره عن غسيل داخلي وخارجي وتحط كسوه للكراسي وتكون بسعر بين الغسيل العادي والكاركير الشامل
احنا في ايدج لاين بنقدملك نصايح باستمرار تزود مبيعاتك بالاضافه اننا بنوردلك الخامات اللي تساعدك في تقديم افضل خدمه ممكنه للعميل زي (طقم الاستقبال / الدواسات / الفواحات /علب المناديل)
لو عجبك البوست ولقيته هيفيد اصحاب المغاسل ومراكز الصيانه
#اعمله_شير
وتابعونا علي الصفحه الجديده بتاعتنا علشان تشوفو كل جديد علي اللينك التاليhttps://www.facebook.com/EDGE-LINE-All-in-One-102006842032350#حافظ_علي_عميلك
تعليقات
إرسال تعليق